လုပ်ငန်းခွင်ဝင်သင်တန်းအမှတ်စဉ် (၁/၂၀၂၆) ဖွင့်လှစ်ပို့ချမှု

ငါးလုပ်ငန်းဦးစီးဌာန ဝန်ထမ်းများ လုပ်ငန်းခွင်ဝင်သင်တန်း အမှတ်စဉ်(၁/၂၀၂၆)ဖွင့်လှစ်ပို့ချမှု

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ငါးလုပ်ငန်းဦးစီးဌာနတွင် လုပ်ငန်းလိုအပ်ချက်အရ ခန့်ထားခဲ့သော ဝန်ထမ်းသစ်(၂၇)ဦးတို့အား  လုပ်ငန်းခွင်ဝင်သင်တန်း အမှတ်စဉ် (၁/၂၀၂၆)ကို ရုံးအမှတ်(၃၆)ရှိ ငါးလုပ်ငန်းဦးစီးဌာန၊ ရေယာဉ်စောင့်ကြည့်ထိန်းချုပ်ရေးဗဟိုဌာန (VMS Control Center)တွင် (၂၀-၇-၂၀၂၆)ရက်နေ့မှ (၂၄-၇-၂၀၂၆)ရက်နေ့အထိ ဖွင့်လှစ်ပို့ချပေးခဲ့ပါသည်။

အဆိုပါ သင်တန်းကို ငါးလုပ်ငန်းဦးစီးဌာနတွင် အတည်ပြုခန့်ထားခဲ့သော ဝန်ထမ်းအသစ်များအနေဖြင့် ဌာန၏ လုပ်ငန်းဆောင်ရွက်နေမှုအခြေအနေ၊ ဌာန၏လုပ်ထုံးလုပ်နည်း၊ ဥပဒေများ၊ ရုံးလုပ်ငန်းဆိုင်ရာ သဘောသဘာဝများနှင့် ဌာနမှဆောင်ရွက်နေသည့်လုပ်ငန်းများကို သိရှိပြီး လုပ်ငန်းခွင်တွင်အံဝင်ခွင်ကျဖြစ်စေရန် ရည်ရွယ်ဖွင့်လှစ်ခဲ့ခြင်းဖြစ်ပါသည်။

သင်တန်းဖွင့်ပွဲအခမ်းအနားကို (၂၀-၇-၂၀၂၆)ရက် (တနင်္လာနေ့) နံနက် (၀၉:၃၀) နာရီအချိန် တွင် VMS Control Center ရှိ အစည်းအဝေးခန်းမတွင် ကျင်းပပြုလုပ်ခဲ့ရာ ညွှန်ကြားရေးမှူးချုပ် ဦးမြင့်ဇင်ထူး က အဖွင့်အမှာစကား ပြောကြားခဲ့ပြီး အဆိုပါဖွင့်ပွဲအခမ်းအနားသို့ ညွှန်ကြားရေးမှူးချုပ်အပါအဝင် ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ သင်တန်းနည်းပြများနှင့် သင်တန်းသား/သင်တန်းသူစုစုပေါင်း(၄၄)ဦးတက်ရောက်ခဲ့ပါသည်။

သင်တန်းတွင် ငါးလုပ်ငန်းဦးစီးဌာန၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ် တို့၏ ဦးဆောင်မှုနှင့်အတူ အောက်ဖော်ပြပါအရာထမ်းများမှ သင်ခန်းစာများ သင်ကြားပို့ချခဲ့ပါသည်-                         

          (က)   ရေချို/ရေငန်ငါးပုစွန်မွေးမြူရေးအကြောင်း                                                         (ဒေါက်တာအောင်နိုင်ဦး၊ ညွှန်ကြားရေးမှူး)

( ခ)   ငါး/ပုစွန်မွေးမြူမှု ဖွံ့ဖြိုးတိုးတက်ရေးအတွက် လိုက်နာကျင့်သုံးသင့်သည့် နည်းလမ်းများ (ဒေါ်မြမြဆင့်၊ ဒုတိယညွှန်ကြားရေးမှူး)

          ( ဂ )   ရေထွက်ကုန်ပစ္စည်းများနှင့်ပတ်သက်သည့် ပို့ကုန်/သွင်းကုန်ဆိုင်ရာအကြောင်း           (ဒေါက်တာထွန်းသိန်း၊ ညွှန်ကြားရေးမှူး)

          (ဃ)    ရှားပါးရေသတ္တဝါများ ထိန်းသိမ်းရေးဆိုင်ရာအကြောင်း                                           (ဒေါ်သီတာမိုး၊ ဒုတိယညွှန်ကြားရေးမှူး)

          ( င )   နိုင်ငံတကာစီမံကိန်းနှင့် ပညာသင်ကြားရေးဆိုင်ရာအကြောင်း                                            (ဒေါ်လှလှဌေး၊ ဦးစီးအရာရှိ)

          ( စ )   တရားမဝင်ငါးဖမ်းဆီးခြင်းဆိုင်ရာအကြောင်း                                                              (ဦးလွှမ်းမိုးဇော်၊ ညွှန်ကြားရေးမှူး)

          (ဆ)    ငါးလုပ်ငန်းဆိုင်ရာဥပဒေများအကြောင်း                                       (ဒေါ်စိုးထက်ထက်အောင်၊ လက်ထောက်ညွှန်ကြားရေးမှူး)

          ( ဇ )   ဘဏ္ဍာရေးဆိုင်ရာအကြောင်း                                                                            (ဒေါ်ညိုညိုအေး၊ ညွှန်ကြားရေးမှူး)

          ( ဈ )   ဌာနတွင်းစာရင်းစစ်နှင့် စာရင်းစစ်ကန့်ကွက်ချက်များအကြောင်း                                (ဦးမျိုးမင်း၊ ဒုတိယညွှန်ကြားရေးမှူး)

          (ည)    ငါးလုပ်ငန်းဆိုင်ရာ စာရင်းအင်း၊ အချက်အလက်များအကြောင်း                       (ဒေါ်မြင့်မြင့်စိုး၊ လက်ထောက်ညွှန်ကြားရေးမှူး

          ( ဋ)    ရေချို/ရေငန် ငါးသယံဇာတဆိုင်ရာအကြောင်း                                      (ဦးဇော်ထွန်းအောင်၊ လက်ထောက်ညွှန်ကြားရေးမှူး)

          ( ဌ )   ငါးရောဂါဆိုင်ရာအကြောင်း                                                                          (ဒေါ်ရီရီချို၊ လက်ထောက်ညွှန်ကြားရေးမှူး)

          ( ဍ )   မြစိမ်းရောင်ကျေးရွာ(ငါးကဏ္ဍ)စီမံကိန်းအကြောင်း                                             (ဒေါ်မြမြဆင့်၊ ဒုတိယညွှန်ကြားရေးမှူး)

          ( ဎ )   စီမံရေးရာနှင့် အဂတိလိုက်စားမှုတားဆီးကာကွယ်ရေးဆိုင်ရာအကြောင်း                        (ဦးညွန့်ခင်၊ ညွှန်ကြားရေးမှူး)

          (ဏ)   ငါးဖမ်းရေယာဉ်စောင့်ကြည့်ထိန်းချုပ်ခြင်းအကြောင်း                                            (ဦးမင်းမင်းစိုး၊ ဒုတိယညွှန်ကြားရေးမှူး) 

          လုပ်ငန်းခွင်ဝင်သင်တန်း အမှတ်စဉ်(၁/၂၀၂၆)သို့ တက်ရောက်ခဲ့သည် သင်တန်းသား/ သင်တန်းသူများမှာ အောက်ပါအတိုင်းဖြစ်ပါသည်-        

အဆိုပါသင်တန်းဆင်းပွဲအခမ်းအနားကို (၂၄-၇-၂၀၂၆)ရက်နေ့ (၁၆:၀၀)နာရီအချိန်တွင် ညွှန်ကြားရေးမှူးချုပ် ဦးမြင့်ဇင်ထူး က သင်တန်းဆင်းမိန့်ခွန်းပြောကြား၍ သင်တန်းဆင်းပွဲ အခမ်းအနားကျင်းပခဲ့ပြီး သင်တန်းဆင်းပွဲအခမ်းအနားသို့ ညွှန်ကြားရေးမှူးချုပ် အပါအဝင် ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ သင်တန်းနည်းပြများနှင့် သင်တန်းသား/ သင်တန်းသူ စုစုပေါင်း(၄၀)ဦး တက်ရောက်ခဲ့ပါသည်။ သင်တန်းဆင်းပွဲတွင် သင်တန်းဆင်း လက်မှတ်များအား ညွှန်ကြားရေးမှူးချုပ် ဦးမြင့်ဇင်ထူးက ပေးအပ်ခဲ့ရာ သင်တန်းသား/သင်တန်းသူ များကိုယ်စား ဦးအောင်ဆုပိုင်၊ လက်ထောက်ဦးစီးမှူးမှ လက်ခံရယူခဲ့ပါသည်။