ငါးလုပ်ငန်းဦးစီးဌာန

အဂတိလိုက်စားမှုတားဆီးကာကွယ်ရေးလုပ်ငန်းများဆောင်ရွက်မှုအခြေအနေ

          စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဝန်ကြီးဌာန၊အဂတိလိုက်စားမှုတားဆီး ကာကွယ်ရေးအဖွဲ့ကို (၂၈-၂-၂၀၁၉) ရက်စွဲပါ အမိန့်ကြော်ငြာစာအမှတ်၊ (၆၅/၂၀၁၉)ဖြင့် စတင် ဖွဲ့စည်းတာဝန်ပေးအပ်ခဲ့ရာ ငါးလုပ်ငန်းဦးစီးဌာနမှ ဦးအောင်ကျော်ထွန်း၊ လက်ထောက်ညွှန်ကြား ရေးမှူးမှာ အဖွဲ့ဝင်အဖြစ်ပါဝင်၍ အဂတိလိုက်စားမှုတားဆီးကာကွယ်ရေးဆိုင်ရာလုပ်ငန်းများကို ဆောင်ရွက်ခဲ့ပါသည်။

ငါးလုပ်ငန်းဦးစီးဌာနအနေဖြင့်အဂတိလိုက်စားမှုတားဆီး ကာကွယ်ရေးဆိုင်ရာလုပ်ငန်းများကို ဝန်ကြီးဌာန၊ အဂတိလိုက်စားမှုတားဆီးကာကွယ်ရေးအဖွဲ့၏ ဦးဆောင်မှုနှင့်အတူ ဆောင်ရွက်လျက် ရှိရာ ငါးလုပ်ငန်းဦးစီးဌာန၏ အဂတိလိုက်စားမှုတားဆီးကာကွယ်ရေးအဖွဲ့ကို ဌာန၏ (၉-၁၂-၂၀၁၉) ရက်စွဲပါ ရုံးအမိန့်စာအမှတ်၊ ၇၉၇/၂၀၁၉ ဖြင့်လည်းကောင်း၊ အဂတိလိုက်စားမှုတားဆီးကာကွယ်ရေး လုပ်ငန်းအဖွဲ့ကို(၉-၁၂-၂၀၁၉)ရက်စွဲပါ ရုံးအမိန့်စာအမှတ်၊ ၇၉၈/၂၀၁၉ ဖြင့်လည်းကောင်း အောက်ပါ အတိုင်း စတင်ဖွဲ့စည်းခဲ့ပါသည်-

တိုင်းဒေသကြီး/ပြည်နယ်အလိုက် အဂတိလိုက်စားမှုတားဆီးကာကွယ်ရေးအဖွဲ့များကိုလည်း သက်ဆိုင်ရာ တိုင်းဒေသကြီး/ပြည်နယ်ဦးစီးဌာနမှ အဖွဲ့ခေါင်းဆောင်အဖြစ်ပါဝင်ပြီး ခရိုင်/ မြို့နယ်/ စခန်းတာဝန်ခံများဖြင့် ဖွဲ့စည်းစေခဲ့ပါသည်။

ငါးလုပ်ငန်းဦးစီးဌာန၊ အဂတိလိုက်စားမှု တားဆီးကာကွယ်ရေးအဖွဲ့၏ ဥက္ကဋ္ဌ ဖြစ်သူ ဦးခင်မောင်မော်၊ ညွှန်ကြားရေးမှူးချုပ်သည် သက်ပြည့်အငြိမ်းစား ခံစားသွားသည့်အတွက် ဦးခင်မောင်မော် (အစား) ဦးဝေလင်းမောင်၊ ညွှန်ကြားရေးမှူးချုပ် ဥက္ကဋ္ဌ ဖြင့် အစားထိုးတာဝန် ပေးအပ်ခြင်းကို ဌာန၏ (၁၆-၃-၂၀၂၀)ရက်စွဲပါ ရုံးအမိန့်စာအမှတ်၊ ၁၅၆/၂၀၂၀ ဖြင့် ပြင်ဆင်ဖွဲ့စည်း ခဲ့ပါသည်။ ကျန်အဖွဲ့ဝင်များမှာ မူလအတိုင်းဖြစ်ပါသည်။

            ဌာနအလိုက် ညွှန်ကြားရေးမှူးချုပ်များဖြင့် အဂတိလိုက်စားမှုတားဆီးကာကွယ်ရေးအဖွဲ့များ ဖွဲ့စည်းထားခြင်းကို ညွှန်ကြားရေးမှူးချုပ်များမှာ လုပ်ငန်းတာဝန်များပြားသည့်အတွက် ဒုတိယ ညွှန်ကြားရေးမှူးချုပ်များဖြင့် ပြင်ဆင်ဖွဲ့စည်းရန် ညွှန်ကြားချက်အရ ငါးလုပ်ငန်းဦးစီးဌာန၊ အဂတိ လိုက်စားမှုတားဆီးကာကွယ်ရေးအဖွဲ့ ဥက္ကဋ္ဌဖြစ်သူ ဦးဝေလင်းမောင်၊ ညွှန်ကြားရေးမှူးချုပ် (အစား) ဦးမြင့်ဇင်ထူး၊ ဒုတိယညွှန်ကြားရေးမှူးချုပ်၊ ဥက္ကဋ္ဌ ဖြင့် ပြင်ဆင်တာဝန်ပေးအပ်ခြင်းကို ဌာန၏ (၆-၇-၂၀၂၀) ရက်စွဲပါ ရုံးအမိန့်စာအမှတ်၊ ၄၃၄/၂၀၂၀ ဖြင့် ပြင်ဆင်ဖွဲ့စည်းခဲ့ပါသည်။ ကျန်အဖွဲ့ဝင်များမှာ မူလအတိုင်းဖြစ်ပါသည်။

          စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဝန်ကြီးဌာန၊ အဂတိလိုက်စားမှုတားဆီး ကာကွယ်ရေးအဖွဲ့ အဖွဲ့ခေါင်းဆောင်ဖြစ်သူ ဦးကျော်ငွေ၊ အမြဲတမ်းအတွင်းဝန်သည် သက်ပြည့် အငြိမ်းစားခံစားသွားသည့်အတွက် ဦးကျော်မင်းဦး၊အမြဲတမ်းအတွင်းဝန်ဖြင့် အစားထိုးတာဝန်ပေးအပ် ခြင်းကို ဝန်ကြီးဌာန၏(၇-၈-၂၀၂၃)ရက်စွဲပါ အမိန့်ကြော်ငြာစာအမှတ်၊ ၄၂/၂၀၂၀ ဖြင့် ဖွဲ့စည်းခဲ့ရာ တွင် ငါးလုပ်ငန်းဦးစီးဌာနမှ ဦးမြင့်ဇင်ထူး၊ ဒုတိယညွှန်ကြားရေးမှူးချုပ်မှ ဝန်ကြီးဌာန အဂတိ လိုက်စားမှုတားဆီးကာကွယ်ရေးအဖွဲ့တွင် အဖွဲ့ဝင်အဖြစ်ပါဝင်ခဲ့ပါသည်။

ငါးလုပ်ငန်းဦးစီးဌာန၊ အဂတိလိုက်စားမှုတားဆီးကာကွယ်ရေးအဖွဲ့ ဖွဲ့စည်းပုံကားချပ် 

          လက်ရှိတွင် ငါးလုပ်ငန်းဦးစီးဌာန၊ အဂတိလိုက်စားမှုတားဆီးကာကွယ်ရေးအဖွဲ့ကို အောက် ဖော်ပြပါပုဂ္ဂိုလ်များဖြင့် ဖွဲ့စည်းထားရှိပါသည်-

ငါးလုပ်ငန်းဦးစီးဌာန၊ အဂတိလိုက်စားမှု တားဆီးကာကွယ်ရေးအဖွဲ့အနေဖြင့် အဂတိ လိုက်စား မှု တိုက်ဖျက်ရေးကော်မရှင်မှ ထုတ်ဝေသည့် အဂတိလိုက်စားမှုတိုက်ဖျက်ရေး ဥပဒေစာအုပ်ကို လည်း ကောင်း၊ လက်ကမ်းစာစောင်များကိုလည်းကောင်း၊  အဂတိလိုက်စားမှုတိုက်ဖျက်ရေး တက္ကသိုလ် အဆင့် ရည်ညွှန်းစာစောင် (၁)၊ ဖြောင့်မတ်တည်ကြည်မှုနှင့်ကျင့်ဝတ် ရည်ညွှန်းစာစောင် (၁) နှင့် ဖြောင့်မတ်တည်ကြည်မှုနှင့်ကျင့်ဝတ် ရည်ညွှန်းစာစောင် (၂) တို့ကိုလည်းကောင်း၊  ဌာန၏ အဂတိ လိုက်စားမှု တားဆီးကာကွယ်ရေးအဖွဲ့မှ ပြုစုထားသော အဂတိလိုက်စားမှု တားဆီးကာကွယ်ရေး ဆိုင်ရာ လက်ကမ်းစာစောင်များကို ရုံးချုပ်ရှိ ဌာနခွဲများ၊ တိုင်းဒေသကြီး/ပြည်နယ် ဦးစီးဌာနများရှိ ဝန်ထမ်းများသို့ လေ့လာဖတ်ရှုနိုင်ရေးနှင့် အဂတိလိုက်စားမှုတားဆီးကာကွယ်ရေးဆိုင်ရာ အသိပညာ များရရှိရေးအတွက် ဖြန့်ဝေပေးနိုင်ခဲ့ပါသည်။

ဖြန့်ဝေပေးခဲ့သည့် စာအုပ်များ

ဖြန့်ဝေပေးခဲ့သည့် လက်ကမ်းစာစောင်များ

          အဂတိလိုက်စားမှုတိုက်ဖျက်ရေးကော်မရှင်သို့ တိုင်ကြားလာသည့် တိုင်ကြားစာများအနက် အဂတိလိုက်စားမှု တိုက်ဖျက်ရေးဥပဒေနှင့် အရေးယူရန်မလိုအပ်သည့် တိုင်ကြားစာများအား သက်ဆိုင်ရာဝန်ကြီးဌာနများသို့ ၂၀၁၈ ခုနှစ်မှစ၍ လွှဲပြောင်းပေးပို့ခြင်းများရှိရာတွင် ၂၀၂၄ ခုနှစ်၊ နိုဝင်ဘာလကုန်အထိ ငါးလုပ်ငန်းဦးစီးဌာနနှင့်သက်ဆိုင်သည့် တိုင်ကြားစာ (၁၇) စောင် လက်ခံရရှိခဲ့ ပါသည်။ အဆိုပါတိုင်ကြားစာများအပေါ် ဌာနမှစစ်ဆေးရေးအဖွဲ့များဖွဲ့စည်း၍စိစစ်ခဲ့ရာ အရေးယူ သည့် တိုင်ကြားစာ (၈) စောင်နှင့် အရေးယူခြင်းမရှိသည့် တိုင်ကြားစာ (၉) စောင်ရှိခဲ့ပါသည်။ အရေးယူခြင်းအနေဖြင့် အရာထမ်း (၇) ဦးနှင့်အမှုထမ်း (၂) ဦးတို့အား စာဖြင့်သတိပေးခြင်းပြစ်ဒဏ်၊ ရာထူးအဆင့်လျော့ချခြင်းပြစ်ဒဏ်၊ နှစ်တိုးလစာရပ်ဆိုင်း ခြင်းပြစ်ဒဏ်၊ ရာထူးတိုးရပ်ဆိုင်းခြင်း ပြစ်ဒဏ်တို့နှင့် ပြစ်ဒဏ်ချမှတ်ခြင်းခံရသူများကို အုပ်ချုပ်မှုနည်းလမ်းအရ ဒေသပြောင်းရွှေ့ တာဝန် ပေးအပ် ခြင်းများကိုလည်း ဆောင်ရွက်ခဲ့ပါသည်။

အများပြည်သူထံမှ တုံ့ပြန်မှုရယူခြင်းအစီအစဉ် (Public Feedback Programme - PFP) အကောင် အထည်ဖော်ဆောင်ရွက်ခြင်း

          ငါးလုပ်ငန်းဦးစီးဌာန၊အဂတိလိုက်စားမှုတားဆီးကာကွယ်ရေးအဖွဲ့အနေဖြင့် အဂတိလိုက်စားမှု တိုက်ဖျက်ရေးကော်မရှင်မှ ဦးဆောင်၍ အသေးစားအဂတိလိုက်စားမှုများလျော့ချ နိုင်ရန်အတွက် ဌာန/အဖွဲ့အစည်းများတွင် ဝန်ဆောင်မှုရယူကြသောပြည်သူများထံသို့ Short Code “1111” ဖြင့် SMS ပေးပို့၍ အများပြည်သူထံမှတုံ့ပြန်မှုရယူခြင်းကို (၁-၅-၂၀၂၂) ရက်နေ့တွင်စတင်အကောင်အထည်ဖော် ဆောင်ရွက်နိုင်ခဲ့ပါသည်။ အများပြည်သူထံသို့ SMS မှတဆင့် မေးခွန်းမေးမြန်ခြင်းများကို လစဉ်ပုံမှန် ဆောင်ရွက်လျက်ရှိရာ  စတင်ဆောင်ရွက်ချိန်မှ ယနေ့အချိန်အထိ အဂတိလိုက်စားမှုနှင့် ပတ်သက် သည့် ဖြေကြားချက်များ မရှိသည်ကို တွေ့ရှိရပါသည်။

အများပြည်သူတုံ့ပြန်မှုအစီအစဉ် ဆောင်ရွက်မှုအခြေပြဂရပ်

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန

ငါးလုပ်ငန်းဦးစီးဌာန

အဂတိလိုက်စားမှုနှင့်ပတ်သက်၍ တိုင်ကြားနိုင်သည့်လိပ်စာများ

• ညွှန်ကြားရေးမှူးချုပ်                              -       ၀၆၇၃ ၄၀၈၁၇၈
• ဒုတိယညွှန်ကြားရေးမှူးချုပ်                   -       ၀၆၇၃ ၄၀၈၄၇၁
• ညွှန်ကြားရေးမှူး                                    -       ၀၆၇၃ ၄၀၈၄၇၄

(စီမံရေးရာနှင့်ဘဏ္ဍာရေးဌာနခွဲ)

• ညွှန်ကြားရေးမှူး                                    -       ၀၆၇၃ ၄၀၈၄၇၆

(မွေးမြူရေးဌာနခွဲ)

• ညွှန်ကြားရေးမှူး                                    -       ၀၆၇၃ ၄၀၈၄၇၇

(ကြီးကြပ်ရေးနှင့်အခွန်ဌာနခွဲ)

• ညွှန်ကြားရေးမှူး                                    -       ၀၆၇၃ ၄၀၈၄၇၃

(ဖွံ့ဖြိုးရေးနှင့်သုတေသနဌာနခွဲ)

• Fax                             -       ၀၆၇၃ ၄၀၈၄၇၅
• e-mail                        -         [email protected]
• website                      -       www.dof.gov.mm